نجوم ومشاهير

وزير التربية مروان حمادة: لو لم أكن مروان حمادة لأحببتُ أن أكون جمال عبد الناصر

حلّ وزير التربية والتعليم العالي مروان حمادة ضيف الحلقة الرابعة من برنامج “دق الجرس” عبر الـMTV، وكان صادقاً في التعاطي مع محاوريه الصغار رغم فارق السنّ الكبير بينه وبينهم، ولكنه شاركهم ذكريات الطفولة، المراهقة والشباب بما حملته من أحزان وآلام، بالإضافة إلى مرحلة النضال السياسي ومحاولة الإغتيال التي تعرّض لها، وأخيراً وليس آخراَ تحدّيات وزارة التربية التي وصفها بالوزارة المتعبة والمليئة بالمشاكل.

ومن أبرز ما جاء في الحلقة على لسان الوزير حمادة التالي:
· الجيل الجديد يحبّ الوزير السابق الياس بو صعب “لأنّو كان يعطِّلُن، بس أنا شوي بخيل بالفرص”!
· “بيقولوا عنّي دون جوان لأنّو كنت حب الستّات، وهيدا الشي مش عيب”.
· كنت الأول في مادة التعليم المسيحي رغم أنني درزي ومن محيط إسلامي وعربي.
· “ما كنت إستعمل البنات، كانوا هنّي يستعملوني”.
· خطأ كبير ارتكبته الدولة اللبنانية سنة الـ1998 عندما طُرِح قانون الزواج المدني الإختياري، ورُفِض أنذاك من رئاسة مجلس الوزراء.
· طلبتُ من الرئيس أمين الجميّل أن يسمح لي بالإنتقال من الشرقية للغربية لرؤية أختي ناديا التويني، و”بالمصفّحة مرقت ع البربير”، وكانت المرة الأخيرة التي أراها فيها.
· صوّتُّ ضد التمديد للرئيس لحود في المجلس، وبعد شهر تماماً سلطة الوصاية السورية حاولت قتلي.
· شاب سوري من أل أرناؤوط، سوري الجنسية أنقذني ونقلني إلى المستشفى بعد وقوع الإنفجار.
· “ما عندي مشكلة مع الشعب السوري أو مع السوريين، مشكلتي مع عقلية معينة بتحطّ العنف بطليعة العمل السياسي”.
· أجريتُ 14 عملية جراحية بعد محاولة اغتيالي، و”عنّا بيأمنوا بالتقمّص، والمشايخ يمازحونني قائلين: إنت خلقت من جديد”!
· ” حدا بيحطّ 2 طن ديناميت ليقتل رفيق الحريري، شو هالحقد”؟
· “مش دايماً بتفق مع الرئيس سعد الحريري، لكن أعتبره إبن أخي”.
· “ما كنت حابب إترشح ع الإنتخابات”، لكن اختير بقائي لضمان الجسر نحو ترسيخ مصالحة الجبل.
· “فيه مدارس رسمية بمستوى المدارس الخاصة وأحسن من المدارس الخاصة”!
· “عنا اليوم فوق الـ300 ألف تلميذ سوري بالمدارس، والباقيين عم نجرّب نعلّمُّن بالمخيّمات أو بالقرى اللي عايشين فيا”.
· “لازم كتاب التاريخ الموحّد يوصف الأمور متل ما صارت” .
· كمال جنبلاط شهيد لأنه عندما قال لحافظ الأسد “ما بدي حط لبنان بالسجن العربي الكبير”، فقرّر الأسد أن يقتله.
· رغم أنني كنت ضد بشير الجميل وفي مرحلة ما حاول حزبه أن يقتلني”بس ما بحطّ العمالة قبل الشهادة”.
· “رح ضلني مقاطِع جلسات مجلس الوزار ليحطّوا التربية ع جدول الأعمال”.
· “مش عم فكِّر إلغي البروفيه”.
· “ما بشتري ماي من المطار، لأنه برأيي فيه استغلال بالمنطقة الحرة”.
· “ما بحكي بالقاف، لأني صرت مدني أكتر من جبلي، بس أحياناً بقاقي لما بطلع ع الجبل”!
· لو لم أكن مروان حمادة، فكنت أحبّ أن أكون جمال عبد الناصر.
· “كلبتي ويندي ع أدّي، وكلب وليد جنبلاط أوسكار كلنا بدنا رضاه”!
· “خلقت لما وصل الأسانسور ع لبنان، ومن وقتا عم جرّب إطلع بهالاسانسور”!

مقالات ذات صلة

زر الذهاب إلى الأعلى